ESTES SOMOS NOS!

Bos días!!!

Hoxe para comezar quero deixarvos os retratos e marionetas que fixestes a semana pasada, gústanme un montón!! Grazas pola vosa implicación e colaboración, aquí os comparto para que tod@s poidades velos.

Como se aprecia nos debuxos, tod@s sodes diferentes, pero tod@s e cada un/unha de vós sodes especiais... E pensando nisto recordo unha canción que bailamos este ano na escola e que tanto nos gusta... Sabedes cal vos digo?? Seguro que si! Aquí vola deixo para que poidades escoitala outra vez, e espero que tamén bailedes e cantedes tan ben como o fixestes na escola.

E agora as vosas obras de arte...

A continuación déixovos un xogo relacionado co corpo. Animádevos a xogar con papá, mamá, os avós, os irmáns... Con quen queirades!! 

Pódese decir que é unha "oca" sobre as partes do corpo, polo tanto precisades un dado e tamén algún utensilio para colorear. Para xogar, soamente tedes que seguir as instruccións que indica a imaxe. Asi que preparados, listos...a xogar!!

Fonte:islcollective.com

E agora pensade nunha persoa a que queirades moito... Pode ser alguén da vosa familia, algún amigo, a persoa que xogou con vós a esa oca... Tedes que pensar nesa persoa e debuxala. Déixovos unha plantilla pero pódese facer o debuxo nun folio, non tedes que imprimir necesariamente. 

Animádevos a enviarme os vosos traballos, gustame moito ver os vosos debuxos. 

Que teñades un bo fin de semana, coidádevos moito!! Miles de bicos

XOVES, CON "V"

Bo día familias!!

Hoxe imos continuar con traballo sobre o camareiro "v" que coñecemos onte.

Xa sabedes que o ideal é facer primeiro os trazos en superficies grandes e repasalos primeiro co dedo.

Aquí tedes dúas fichas. Na primeira tedes que repasar os trazos e copialos nas pautas. É mellor que repasedes primeiro co dedo e despois se queredes con rotulador. Para escribir na pauta, preferiblemente con lapis. 

Na segunda ficha, hai que ler as palabras co camareiro "v" e unir cada palabra co seu debuxo. Logo hai que escribir a palabra debaixo do seu debuxo e colorear os debuxos.

Para rematar, unha ficha de lectura.

Fonte: Imaxes de pinterest

Biquiños e apertas para tod@s!

O CAMAREIRO "V"

Bos días!!

Hoxe mércores imos aprender unha nova letra. O seu é igual que o da presumida "b", entón seguro que xa sabedes que letra é...A letra "v"

Como en tódalas letras, comezamos por escoitar a súa historia e a súa canción. 

Fonte: Conto e canción de letrilandia

A continuación temos dúas fichas coas que empezamos o traballar os trazos das novas letras. Xa sabedes que é aconsellable repasalos varias veces co dedo e facer primeiro os trazos en superficies amplias. 

Logo, na primeira fichas tedes que repasar os trazos (co material que queirades) e colorear o camareiro "v".

Na segunda ficha, lemos as sílabas da letra "v" e repasamos os seus trazos. Lemos a palabra con esta letra e debuxamos no recrado o debuxo correspondente. Coloreamos o camareiro "v".

Para rematar, unha ficha de lectura con esta letra.

Fonte: Imaxes de letrilandia

MARTES CON LÓXICA

Bos días!

Hoxe martes imos traballar un pouquiño de matemáticas e lóxica.

Na primeira ficha temos unha "sopa de letras e números". Hai que buscar e rodear os números e logo escribílos nas pautas de abaixo, ordenados de menor a maior. É recomendable escribilos primeiro con lapis e logo se queredes pódense repasar con rotulador.

Na segunda ficha imos sumar. Temos que contar os puntos que hai en cada ficha e poñer o número no cadrado. Logo facemos a suma e poñemos o resultado no recadro grande.

Ánimo que non queda nada.... Miles de apertas!!

LUNS: LECTOESCRITURA

Ola familias!!

Hoxe luns imos traballar lectoescritura, coa letra que coñecemos a semana pasada: a presumida "b".

Recordade que podedes empezar realizando os trazos en superficies que sexan máis amplias e repasando con partes do corpo.

Na primeira ficha temos que identificar as letras iguais ao modelo e rodealas. Contamos as que hai e escribimos o número no cadrado. Logo facemos a suma.

Na segunda ficha, lemos e repasamos as sílabas coa b. Logo completamos as palabras coas sílabas que faltan, lemos as palabras resultantes e coloreamos os debuxos.

Para rematar, unha ficha de lectura. 

Fonte: Imaxes de pinterest, Encina e Letrilandia

Moitos biquiños e apertas!

ASÍ SON EU

Bo día a tod@s!!

Hoxe venres imos traballar sobre algo importantísimo para nós: O NOSO CORPO! 

Empezamos por pensar como somos e cal é o noso xénero: son un neno ou unha nena? En función da resposta, escollemos a primeira ou a segunda ficha. Polo tanto, non tedes que imprimir as dúas, só a que se corresponde co voso xénero: se son un neno imprimo a primeira e se son unha nena a segunda.

 Unha vez que imprimimos a nosa ficha,  temos que completar coas partes que faltan da cara e logo colorear tódalas partes do corpo. Pensa na cor da túa pel antes de colorear para que se pareza a ti o máximo posible. Logo temos que recortar as pezas e unilas. Para iso podemos empregar lá, fío, encuadernadores, broches,  pegamento, celo... en función do material do que dispoñades. 

RECORDADE: Antes de pegar as pezas é importante unilas e colocalas adecuadamente. Cando as teñamos ben colocadas é cando as unimos co material do que falamos antes; e así teremos unha marioneta de nós mesmos.

Na terceira ficha, tedes que debuxar o voso corpo no recadro. Mellor facer o debuxo con lapis e logo colorear como queirades: con ceras ou rotuladores. Recordade debuxar tódalas partes do voso corpo. 

PROPOSTA: Propóñovos que me enviedes todos os vosos debuxos e o venres da semana que vén publicalos no blog. Podedes envialos igual que os dos contos dos venres, ao meu correo ou Whatsapp individual, en formato imaxe (JPEG OU PNG)

Fonte: Imaxes de pinterest

Para rematar, deixovos un xogo interactivo sobre o corpo. Pinchade  aquí para acceder. 

Recordade que tamén podedes xogar na casa coas vosas familias ao xogo de "Simón di" que tanto nos gustaba facer na aula. 

Que teñades boa fin de semana. Moitos biquiños!

XOVES COA PRESUMIDA B

Ola familias!!

Xa estamos a xoves, e para hoxe deixo traballo para continuar coa presumida "b", a letra que coñecemos onte. Recordade que podedes volver a ver o seu conto e a súa canción antes de comezar o traballo. 

Comparto con vós esta canción sobre a letra "b" que vos aconsello ver antes de comezar o traballo de fichas. 

Hoxe vamos a traballar un pouco as sílabas coa letra "b" e os seus trazos. Na primeira fichas tedes que ler e repasar as sílabas. Logo unir cada sílaba co seu debuxo e colorear os debuxos e a letra "b". 

Na segunda, hai que repasar os trazos e copialos nas pautas. Recordade: primeiro co dedo, logo co lapis e por último con rotulador. 

Para rematar, unha ficha de lectura con esta letra.

Lembrade poñer o nome nos vosos traballos.

Fonte: imaxes de letrilandia e pinterest

Moitos biquiños!

A PRESUMIDA "B"

Bo día!!!

Comezamos letra nova: a presumida "b". Como en tódalas letras, empezamos por ver e escoitar o seu conto e a súa canción.

Fonte: Conto e canción de letrilandia

Unha vez que coñecemos a historia desta letra, imos ao traballo de fichas. É recomendable empezar por debuxar os trazos en superficies grandes e con partes do noso corpo; no chan, na pizarra... Tamén podemos empregar xoguetes. Por exemplo, debuxamos o trazo da presumida b e repasámolo cun coche. Son pequenas ideas, para isto deixade voar a vosa imaxinación.

Logo temos dúas fichas coas que sempre comezamos nova letra.  Na primeira, temos que repasar os trazos da letra b, en maiúscula e minúscula. Primeiro co dedo e logo podedes facelo con pintura de dedos, pegatinas, papeis de cores, rotulador... Non vos esquezades de colorear a presumida "b".

Na segunda, repasamos os trazos e imos lendo as sílabas. Mellor facelo primeiro co dedo, logo con lapis e por último con rotulador. Lemos a palabra que está debaixo do recadro e facemos o debuxo desa palabra. Coloreamos o debuxo e a presumida "b".

Non vos esquezades de poñer o nome aos vosos traballos. 

Fonte: Imaxes obtidas de letrilandia e pinterest.

Moitos biquiños e apertas!

MARTES, LÓXICA- MATEMÁTICA

Ola familias e cativ@s!!

Para este martes déixovos traballiños de lóxica-matemática. 

Para comezar, unha canción que nos fala das sumas do 1 ao 10, que podemos escoitar antes ou durante a realización das tarefas. 

A continuación temos tres fichas. A primeira é un labirinto no que tedes que axudarlle ao neno a chegar ata a súa casa. Buscade o camiño primeiro co dedo, e unha vez que o atopedes é mellor marcalo con lapis. Logo podedes cubrilo con pintura de dedos, con plastilina, con papeliños de cores, con pegatinas... como vos queirades e segundo os materiais dos que dispoñades. Finalmente, non vos esquezades de colorear os debuxos, con ceras ou rotuladores.

A segunda e a terceira ficha son complementarias. Primeiro tedes que buscar e recortar as fichas que suman os números 8 e 9, e pegalas na seguinte ficha. Logo, tedes que buscar outra forma de sumar 8 e 9, e escribila nas pezas que están en branco. Despois hai que trazar os números na pauta, tendo en conta as frechas. Mellor facelo primeiro con lapis e despois con rotulador. Por último, repasade os números grandes con témpera, rotulador, cera... O que queirades.  

Fonte: Imaxes de pinterest e imagenes educativas.com

LUNS, LECTOESCRITURA

Bos días a tod@s.

Hoxe luns imos continuar con traballo sobre o jardinero j que coñecemos a semana pasada.

Sería recomendable empezar por repasar esta letra con trazos grandes: na pizarra, no chan... e tamén podedes comenzar recordando a historia ou a  canción da letra j.

A continuación temos dúas fichas. Na primeira ahí que repasar e copiar os trazos, recordade facelo primeiro co dedo, logo con lapis e por último con rotulador. Na segunda temos que unir os números seguido a orde numérica, logo lemos as palabras da dereita e escribimos na pauta a que se corresponde co debuxo (mellor con  lapis). Por último coloreamos o debuxo.

Para rematar, una ficha de lectura. 

 Recordade poñer o nome nos vosos traballos.

Fonte: Imaxes de letrilandia

Ánimo. Miles de apertas para @s cativ@s.

VENRES: XEOMETRIA

Ola familias!!

Estamos a piques de rematar outra semana, xa queda menos! Recordade que hoxe temos o conto dos venres no blog de infantil, non esquezades velo e enviarnos os vosos debuxos.

Para este venres deixo tarefas para traballar habilidades de lóxica matemática: xeometría, seriación, conteo...

Na primeira ficha tedes unha imaxe con varias figuras xeométricas. Hai que recoñecer as figuras e colorear cada unha da súa cor, segundo nos indica a lenda. Pódese colorear con ceras, rotuladores ou lapis, como prefirades. Logo tedes que contar cantas figuras hai de cada modelo e poñer o número na liña, isto mellor escribilo con lapis.

Na segunda ficha temos dúas series que debemos continuar, tendo en conta varios criterios: a forma, o tamaño e cor. Na segunda serie podedes escoller as cores que vos queirades, sempre tendo en conta que é unha serie e que non se trata de pintar cada figura como nos queiramos. Entón escollemos 4 cores (por exemplo, laranxa, morado, marrón e gris) e pintamos as figuras seguindo esa serie de cores. Podedes colorear con lapis, ceras ou rotuladores.

Fonte: Imaxe obtida de Slideshare

Espero que pasedes boa fin de semana. Volvemos o luns. Coidádevos moito! Miles de bicos.

"J" DE JUEVES

Ola familias!!

Hoxe imos continuar con traballo sobre a letra que coñecemos onte, a "J". 

Antes de iniciarnos nas tarefas podedes ver o conto ou escoitar a canción para así recordar a letra que estamos traballando.

A continuación tedes dúas fichas. Na primeira empezamos por repasar o trazo da letra "j" e "J". Mellor facelo primeiro co dedo, despois con lapis e por último con rotulador. Logo hai que rodear a letra "j" e "J", contar cantas hai e poñer o número nos recadros. Por último, facemos a suma e poñemos o resultado. É recomendable escribir os números primeiro con lapis.

Na segunda, temos unha sopa de letras na que tedes que encontrar 5 palabras coa letra "j". Douvos UNHA PISTA: desas 5 palabras, 3 son nomes da aula! Se pensades un pouquiño seguro que xa os sabedes. Cando encontredes as 5 palabras tedes que rodealas e escribilas nas pautas, empezando nas flechas. A recomendación é que deixedes a palabra máis longa para escribir na última pauta, e que escribades as palabras con lapis.

Por último, unha ficha de lectura coa letra "j".

Fonte: Imaxes de letrilandia

Miles de bicos para tod@s!

O JARDINERO "J"

Bos días!! 

Hoxe imos coñecer unha nova letra: a j. Empezamos por ver e esoitar a súa historia e a súa canción.

Fonte: Conto e canción de letrilandia. 

A continuación, dúas fichas para iniciarnos na letra "j". Son similares as que fixemos cos letras "t" "d".

Na primeira, repasamos a letra J maiúscula e minúscula. O ideal é facelo primeiro co dedo varias veces e logo podedes empregar o material que prefirades: pintura de dedos, rotulador, cera, plastilina, pegatinas.... Tede en conta as frechas e as liñas das letras minúsculas para seguir os trazos correctamente. 

Na segunda,  repasamos as sílabas e a palabra con "j", mellor facelo primeiro co dedo, logo con lapis e por último con rotulador. 

Recordade colorear os debuxos do señor jardinero.

Para rematar, unha ficha de lectura.

Fonte: Imaxes obtidas de Letrilandia e Pinterest

Moitos biquiños!

MARTES CON SUMAS

Bos días familias!!

Para este martes imos traballar un pouqiño as sumas, e imos facelo cun elemento moi importante de noso corpo: as nosas mans.

Recordade que antes de facer as sumas na ficha é recomendable facelas antes con algún material manipulable. Hoxe propóñovos empregar os dedos das mans.

En relación a isto temos dúas fichas. Na primeiro hai que contar os dedos que están levantados en cada man e escribir o número no cadrado (mellor con lapis). Logo realizamos a suma e escribimos o resultado no recadro grande. Coloreamos os debuxos das mans.

Na segunda, contamos cantos dedos temos nós en cada man e debuxámolos. Escribimos o número de dedos que temos en cada man e sumamos os que temos en total.

Nos cadrados que hai debaixo da liña discontinua temos que ordenar os números que escribimos na ficha anterior de menor a maior. Logo visualizamos a serie e escribimos o número que falta para que sexa unha serie númerica completa. Para rematar, coloreamos o debuxo das nosas mans.

Fonte: Imaxes obtidas de mundoprimaria

Para rematar, deixo un enlace de xogos online con sumas. Animádevos a entrar e divertirvos!!

Pinchade aquí para acceder.

Moitos biquiños!!