O SEÑOR DO DIÑEIRO: O TESOUREIRO "d"

Bo día familias!!

Neste mércores imos coñecer unha letra nova: a letra "d". 

Ao igual que facíamos na aula, imos empezar por ver a súa historia e a súa canción. 

Fonte: YOUTUBE, CONTOS DE LETRILANDIA, LETRA D. Enlace: https://www.youtube.com/watch?v=I421Pilrxjk

Fonte: YOUTUBE, CANCIONS DE LETRILANDIA, LETRA D. Enlace https://www.youtube.com/watch?v=PBx7sSVRC_0

A continuación pasamos ao traballo individual de fichas coa letra "d". Son moi similares as que fixemos coa letra t, polo que vos resultarán doadas. 

Na primeira, repasamos as letras D (maiúscula) e d (minúscula). Primeiro co dedo varias veces e logo podemos decoralas co material que prefirades: pintura de dedos, plastilina, gomets, rotulador... o que vós prefirades en función do material do que dispoñades na casa. Finalmente coloreamos o señor "d" tamén co material que queirades.

Na segunda, repasamos o señor "d" co dedo, imos unindo esta letra con cada vocal e lemos as sílabas. Debaixo, repasamos as sílabas da letra d con dedo, lápis e rotulador. Repasamos e lemos tamén a palabra coa letra d e facemos un debuxo da mesma no recadro. Coloreamos o señor d.

Rematamos con unha ficha de lectura da letra "d".

Fonte: imaxes letra d obtidas de letrilandia

Moitos saúdos, unha aperta moi grande para @s nen@s.

MARTES DE LECTOESCRITURA

Bo día familias!!

Hoxe martes continuamos con algo de lectoescritura, afondando na letra "t". Recomendo comezar repasando o seu trazo en superficies amplas: na pizarra, no chan, nun folio completo... durante 3 veces polo menos.

Logo pasamos as fichas. Na primeira lemos as sílabas e as palabras, repasámolas co dedo e debaixo copiámolas con lápis. 

A segunda e a terceira ficha son complementarias. Na segunda temos que ler as palabras, buscar as letras "t" e rodealas. Logo recortamos as súas sílabas e na seguinte ficha pegámolas ordenadas, no debuxo correspondente. Por último, coloreamos os debuxos.

Para rematar unha ficha de lectura. Son palabras máis longas, con máis dificultade... @s nen@s precisarán a vosa axuda, paciencia e se algunha non sae non pasa nada, recordade que estamos aprendendo. 

Fonte: Debuxos obtidos de pinterest.

Fonte: Imaxes de letrilandia

Saúdos e moitos bicos aos pequerrech@s.

LUNS CON LÓXICA-MATEMÁTICA

Bos días!!

Empezamos unha nova semana, estades preparad@s?? Imos comezar este luns con un pouquiño de matemáticas, concretamente sumas.

Antes de realizar as fichas é aconsellable que os nenos realicen sumas con calquera obxecto real que eles poidan manipular: ceras, lápis, rotuladores, macarróns... o que teñades a man. Podedes dicirlle vós a cantidade e que eles collan os obxectos e os sumen. 

Déixovos un exemplo na seguinte imaxe.

Fonte: https://www.google.es/search?q=imagenes+de+sumas+con+objetos+para+ni%C3%B1os&sxsrf=ALeKk01avHFS5-DXopGeRU3BejgjGGV1sw:1587815159324&source=lnms&tbm=isch&sa=X&ved=2ahUKEwjp_6i0wIPpAhWr3eAKHTE3BkMQ_AUoAXoECAwQAw&biw=1366&bih=608#imgrc=Z8gMNhK4VCgsbM

Agora si, pasamos ao traballo de fichas.  Ambas son similares. Na primeira, contamos os obxectos que hai en cada grupo e poñemos o número no recadro. Logo realizamos a suma e debuxamos os obxectos que hai en total. (por exemplo na primeira debuxamos 5 estrelas). Por último coloreamos tódolos debuxos.

Na segunda, debuxamos os obxectos que faltan en cada grupo. Por exemplo, no primeiro grupo ten que haber 6 nubes e hai 2, pois temos que debuxar 4.Cando teñamos os obxectos debuxados realizamos a suma. Igual que na ficha anterior, debuxamos o resultado e coloreamos os debuxos.

Moito ánimo e paciencia... Xa queda menos e estadelo facendo xenial. 

Miles de bicos pequerrech@s

VENRES!!

Ola familias!!

Imos rematar a semana con un poquiño máis de lecto. Como esta semana nos iniciamos no estudo da letra "t" podemos comezar recordando a súa historia ou a súa canción. 

A continuación, dúas fichas. Na primeira temos 4 debuxos coas súas correspondentes palabras. Hai que ler as palabras e unir cada debuxo coa súa palabra. Logo escribir cada palabra debaixo do debuxo e colorear os debuxos.

Na segunda, toca pensar... primeiro pensar unha palabra que conteña a letra "t" (pode ser ao inicio de palabra ou no medio), debuxala e intentar escribila coa axuda das nosas familias. Debuxamos e coloreamos cos materiais que nós queiramos. 

Por último pensamos no noso nome (podemos escribilo con lápis para visualizar mellor as letras), observamos se ten a doutora "t" e marcamos a casilla correspondente.

Para finalizar, unha ficha de lectura. 

Recordade que hoxe é venres, polo que no blog de infantil temos para vós un conto e a ficha, como viñamos facendo na escola. Enviade as imaxes dos vosos debuxos, gustanos moito ver os resultados.

Boa finde, saúdos e un biquiño para @s cativ@s!

Fonte: Imaxes obtidas de diversas páxinas de internet, sen pretender infrinxir en ningún caso os dereitos de autor.

Fonte: Imaxes de letrilandia.

1,2,3... MATES!!

Ola familias!!

Hoxe imos traballar algo de lóxica-matemática. Para empezar, escoitamos unha canción das que máis nos gusta os nenos e nenas de 5 anos, e tamén a profe!!

Fonte: https://www.youtube.com/watch?v=b5Eov-zOmAo

A continuación dúas fichas de repaso de números.  Na primeira delas temos que completar os vermes cos números que faltan, seguindo a súa orde ascendente ou descendente, dependendo da dirección do verme. Poden escribir os números primeiro con lápis e logo con rotulador. Por último, colorear o gusano máis longo (preferiblemente con ceras) e rodear o máis curto.

Na segunda, temos que completar as táboas cos números anterior e posterior que faltan. Para facilitar un pouco o traballo podemos ter como referente o verme da ficha anterior (o que chega ata o 10) e así visualizar os números do 1 ao 10. Ao igual que na ficha anterior, é recomendable escribilos primeiro a lápis e, unha vez que o trazo sexa correcto, podemos repasar con rotulador. Logo coloreamos o número maior en cada tabóa e escribimos no recadro o número maior de todos.

Deixo para rematar un enlace no que os nenos poden realizar xogos interactivos de números. 

Pinchade aquí para acceder. 

Moito ánimo, xa queda menos!! Un biquiño grande aos pequerrechos.

MÉRCORES CON LECTOESCRITURA

Bos días!

Hoxe mércores déixovos algo máis de lectoescritura: continuamos coa doutora "t", polo que podedes comezar recordando a súa canción.

Logo sería interesante que trazarades esta letra nunha superficie amplia: no chan, na pizarra, nun papel grande... e que os nenos poidan repasala coas partes do corpo e de diversas formas. Por exemplo, debuxámola con tiza no chan e repasamola cos pés, a pata coxa, logo cunha man... 

Esta imaxe é un exemplo realizado na aula co número 1. 

A continuación pasamos ao traballo de fichas. Na primeira, hai que buscar e rodear as letras correctas, contar cantas hai correctas e poñer o número nos recadros de abaixo. Logo facemos a suma.

Na segunda, repasamos o trazo da t e logo intentamos realizala nós nas liñas de abaixo. Recordade: primeiro co dedo, logo con lápis e por último con rotulador. Neste último exercicio de copia da letra t  pode que precisen máis axuda, polo que se vedes que se frustran porque non lles sae podedes marcarllas vós con lápis por exemplo e eles repasalas con rotulador. Recordade que estamos aprendendo. 

Por último, unha ficha de lectura coa letra t e outras letras xa traballadas con anterioridade. Aquí o meu consello é que teñades moita paciencia e non forzar: non pasa nada se non sae algunha letra ou algunha palabra, axudámoslles se o precisan. Que se sintan apoioados neste proceso.

Moito ánimo, estadelo facendo xenial!! Recordade que podedes enviarme imaxes dos vosos traballos. Moitos biquiños aos nen@s.

Imaxes da letra t obtidas do material de letrilandia

A DOUTORA "t"

Hoxe imos coñecer unha nova letra: a doutora t.

                                                      Fuente: Miclasedeinfantil.blogspot.com

Igual que viñamos facendo na aula, imos empezar por ver a historia desta letra.

Fonte: https://www.youtube.com/watch?v=tNZs2q1YVCE, contos de Letrilandia

Fonte: https://www.youtube.com/watch?v=RyGdwNgxwxs, cancións de Letrilandia

Unha vez visto o conto, deixo estas fichas sobre a doutora t. Na primeira ficha, é recomendable empezar por repasar o trazo co dedo dúas ou tres veces. Logo poden realizar o trazo por dentro con rotulador ou pintura de dedos e rematar coloreando a doutora t co material que prefiran (ceras, rotuladores, ou lápis de cores).
Na segunda, empezamos por silabear: t con a ta, t con e te... despois repasamos o trazo ta, te, ti, to, tu co dedo e logo con rotulador. Lemos e repasamos a palabra "tila" e finalmente coloreamos a doutora t como queiramos.

Engado para rematar unha ficha de lectura con esta letra.

 

Imaxes obtidas do material de Letrilandia.

A OCA DAS LETRAS

Ola familias!
Nesta entrada déixovos uns xogos que poden axudar aos cativos coa lectura. Son xogos de oca que podedes descargar e imprimir para xogar en familia, ou incluso elaborarlos vós a partires deses.
Na aula xa tiñamos alguna destas ocas, polo que aos nenos resultaralles familiar.

Pinchade aquí para acceder.

Un saúdo

BENVIDOS!!

Bo día!!!

Hoxe comeza a posta en marcha deste blog individual de aula, que espero que vos sexa de utilidade e axuda nestes días de confinamento.

Quero comezar dándovos a benvida a todos e todas, especialmente aos máis pequerrechos, para os que me gustaría enviar unha mensaxe:

“Ola nenos e nenas de 5 anos, como estades? Xa levamos un mes sen colexio, sen asembleas, nin patios, nin recunchos… Todo isto volverá, mentres tanto xa sabedes que todos e todas temos unha misión: quedar na casa. E vós, os “meus nenos/as” estádelo facendo moi ben, sodes uns auténticos campións e a vosa profe esta moi orgullosa de vós.

Coidádevos moito, desfrutade destes días na casa coa vosa familia, xogade, cantade, descansade… Vémonos pronto.

Miles de bicos para vós, os nosos pequenos/as heroes e heroínas.”

Dito isto, agora gustaríame dirixirme a vós, papás, mamás, familias en xeral. Neste blog irei colgando cousiñas que podedes traballar desde a casa cos nenos/as, especialmente fichas de reforzo e ampliación de diversos contidos. O máis recomendable é que accedades primeiro ao blog de infantil, onde tamén atoparedes propostas e actividades como as que fomos colgando ata o momento, e desde aí acceder a “fichas 5 anos” para atopar recursos máis concretos de aula.

A maioría destes recursos serán fichas, sempre voluntarias. Espero que vos sexan de axuda na casa e agradezo que para calquera dúbida vos poñades en contacto comigo a través do correo, que tamén podedes empregar para enviarme imaxes dos traballos dos nen@s. 
Así mesmo, sería moi interesante que deixedes comentarios nas entradas para así saber se o material vos está sendo de utilidade. 

Recordade que o concello de Petín e o concello de A Rúa se ofrecen a imprimir copias de traballos para os nen@s.

Gustaríame rematar cunha serie de recomendacións:

-Priorizar o aspecto emocional fronte ao académico: nestes días o fundamental é coidar sentimentos e emocións dos cativos.

-Ter en conta o seu nivel de interese e motivación, intentar realizar actividades que a eles lles resulten interesantes e ter moi presente o aspecto lúdico.

-Manter os hábitos e rutinas, establecendo na medida do posible horarios con certa flexibilidade

-Realizar moitos xogos, manualidades, experimentos, cancións… e ler moitos contos!

-Seguir fomentando a súa autonomía, permitindo que colaboren na medida do posible, nas tarefas domésticas: recoller, poñer a mesa, vestirse e asearse sós, axudar na limpeza do fogar,…

Coidádevos moito, ánimo e miles de bicos para todos.

UNHA DE LETRAS!!

Ola familias!!

Comezamos con un par de fichas de repaso de lectoescritura, espero que vos sexan de utilidade. 

En canto ao formato, son bastantes sinxelas, polo que os que non dispoñedes de impresora podedes copialas nun folio en branco.

Animadevos a enviarme fotos do traballo dos nenos.

Un saúdo

ESTAMOS EN OBRAS