CANCIÓNS PARA AS SESIÓNS DE PSICOMOTRICIDADE

 "FUN AO MERCADO", MARÍA FUMAÇA

                                                            "CHUCUWA", CANTAXOGO

"CABEZA, HOMBROS, RODILLAS, PIES", CANTAXOGO

                                 "ISTO BAILASE ASÍ", UXÍA LAMBONA E A BANDA MOLONA

XOGOS CON PELOTAS

                                                              Fonte: Imaxe de Pinterest

 1. LANZAMOS A PELOTA

    Realizamos lanzamentos de pelota con distintas partes do corpo: coas mans, cos pés, coa man dereita, coa man esquerda, Podemos marcar un punto no chan desde donde podemos lanzar e ir situándonos cada vez máis lonxe.

2. PELOTAS AO ARO

    Podemos xogar por parellas. Unha persoa ten un aro e outra unha pelota. Intentamos encestar a pelota dentro do aro. Podemos ir variando a parte do corpo coa que lanzamos e a distancia a que nos situamos. 

Cando conseguimos meter 3 canastas, cambiamos de rol: a persoa que tiña o aro colle a pelota e a que tiña a pelota colle o aro.

3. BOMBA

    É un xogo en equipo. Os xogadores séntanse no chan formando un círculo, excepto un deles que queda de pé fóra do círculo. Os xogadores que están no círculo van pasando a pelota mentras a persoa que está fóra do círculo conta ata 30. Cando chegue a ese número di "bomba" e a persoa que nese momento teña a pelota na man queda eliminada. O xogo continúa de xeito que os membros do círculo teñen que pasar a pelota saltando aos que están eliminados e pasar a pelota a seguinte persoa.

4. PELOTAS MÁXICAS

    Este xogo realizase por parellas. Cada parella ten unha pelota e deben ir pasando imitando o movemento dun animal. Por exemplo: "canguro"=pasamos a pelota botando, "paxaro"=pasar a pelota sin que toque o chan, "serpe"=pasar a pelota rodando polo chan.

XOGOS TRADICIONAIS

                                Proposta de xogos tradicionais que se poden realizar na casa.

Fonte: Imaxes de pinterest.

XOGO "SIMÓN DI"

                                                            Nome do xogo: Simón di

Fonte: Imaxe obtida de AprenderJuntos

                                                               Material: Ningún

Desenvolvemento: Un dos participantes no xogo é Simón, que será o que dirixe o xogo. Simón di unha acción ou unha parte do corpo. Por exemplo, "Simón di nariz" e os demais teñen que tocar o seu nariz. O que non o faga, queda eliminado. Cando Simón di soamente a parte do corpo, sen dicir antes a frase "Simón di" os participantes non deben facer ningunha acción nin tocar ningunha parte do corpo, pois de facelo estarían eliminados.

RELAXACIÓN

A relaxación tamén é unha parte importante nas sesións de psicomotricidade, especialmente despois de realizar actividades físicas.

Hoxe deixamos un recurso para poder descansar e relaxarnos a través de Ioga.

"MOVÉMONOS AO RITMO DOS ANIMAIS"

 Nas nosas sesións de psicomotricidade comezamos movendo o noso corpo con diferentes movementos de animais. Entre os nosos animais preferidos están os seguintes:

ELEFANTE: camiñamos cara adiante levantando e baixando unha man, simulando a trompa dun elefante.

RÁ: desprazámonos dando saltos, apoiando as mans e os pés no chan.

COELLO: avanzamos dando saltos cos pés xuntos.

CANGREXO: colocámonos de lado e imos camiñando nesta posición, coas mans levantadas movendo os dedos coma se foran as pinzas dun cangrexo.

SERPE: deitámonos no chan e imos arrastrando o noso corpo. Tamén podemos facelo de pé, xuntando as nosas mans, e movéndonos facendo a forma da letra "S".

OSO: camiñamos ao tempo que as nosas mans simulan as garras do oso.

PAXARO: movemos as nosas mans imitando ás dun páxaro.

"IMOS CAZAR UN OSO"

 O conto que aquí vos deixo encántanos! É un conto motor onde os nenos van realizando as accións que suceden no conto.